Kalimet në kufij – Masa të shtuara, mbi 241 shtetas kanë hyrë në një javë
Departamenti për Kufirin dhe Migracionin përmes një njoftimi për mediat bënë të ditur se nga data 24 deri më 31 dhjetor në Shqipëri kanë hyrë 241 546 shtetas shqiptarë dhe të huaj, si dhe 67 971 mjete.
Ndërkohë kanë dalë 185 460 shtetas shqiptarë dhe të huaj, si dhe 56 257 mjete. Gjithashtu, po gjatë kësaj periudhe kanë hyrë në vendin tonë edhe 23 981 turistë të huaj nga vende të ndryshme, të organizuar në grupe dhe shoqata , me destinacione të ndryshme në vendin tonë.
Sipas Departamentit për Kufirin dhe Migracionin, për të shmangur radhët e gjata në kufi si pasoj e fluksit të shtuar të shtetasve që hyjnë e dalin janë marrë masa në burime njerëzore ashtu edhe në infrastrukturë, ku janë shtuar sportelet në hyrje dhe në dalje, me qëllim, krijimin e lehtësirave ligjore duke eliminuar radhët e gjata, si dhe për tu ofruar një shërbim cilësor, të kulturuar e në kohë të gjithë shtetaseve shqiptarë e të huaj që qarkullojnë nëpërmjet këtyre pikave të kalimit kufitar.
Po në kuadër të masave, Policia Kufitare ka shtuar prezencën policore edhe në patrullim në kufirin e jeshil dhe atë blu, me qëllim parandalimin, evidentimin dhe goditjen e çdo veprimtarie kriminale.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.