Kanada, Meksikë, SHBA nënshkruajnë marrëveshje të re tregtare

SHBA ka nënshkruar një marrëveshje të re tregtare me Kanadanë dhe Meksikën, e përshkruar nga Donald Trump si një “marrëveshje model”.

Marrëveshja synon të zëvendësojë marrëveshjen 24 vjeçare të tregtisë së Amerikës së Veriut, të cilin Trump e kishte përshkruar si një “katastrofë”.

Versioni i ri vjen pas më shumë se një viti negociatash dhe shumë nga detajet u ranë dakord më parë këtë vit – në gusht midis SHBA-së dhe Meksikës dhe në fund të shtatorit midis SHBA-së dhe Kanadasë.

Të premten në samitin e G20 në Argjentinë, presidenti amerikan u tha gazetarëve se marrëveshja “ndryshon përgjithmonë peizazhin tregtar”.

“Si pjesë e marrëveshjes tonë, Shtetet e Bashkuara do të jenë në gjendje të mbyllin qasjen tonë në treg në Kanada dhe Meksikë dhe në masë të madhe të zgjerojnë eksportet tona kulturore – diçka që ne kemi dashur ta bëjmë për shumë vite. Kjo është një marrëveshje e mahnitshme për fermerët tanë dhe gjithashtu u lejon atyre të përdorin bioteknologjinë e fundit dhe eliminojnë barrierat jo-shkencore. Vendet tona gjithashtu kanë rënë dakord të përtërijin masa të reja për të siguruar konkurrencë të ndershme dhe për të promovuar paga të larta për punëtorët e SHBA-së dhe Amerikës së Veriut”, deklaroi Trump.

Trudeau tha se marrëveshja ishte një hap i madh për ekonominë e Kanadasë, por paralajmëroi se ka më shumë punë për t’u bërë. Një pikë e veçantë për kryeministrin kanadez janë tarifat amerikane për çelikun dhe aluminin të vendosur më parë këtë vit dhe ai tha se këto duhet të hiqen.

Pena Nieto, i cili do të zëvendësohet të shtunën me presidentin e sapozgjedhur të Meksikës, e ka shitur marrëveshjen te populli i tij si një fitore.

Megjithatë, secili nga vendet duhet ta miratojë marrëveshjen në parlamentet e tyre.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.