Kanadaja miraton vaksinën e J&J – Vaksina e katërt në vend. Përshpejton gjithashtu porositë e Pfizer
Rregullatori i barnave në Kanada ka miratuar vaksinën e Covid-19 të Johnson & Johnson, duke u bërë vaksina e katërt që merr dritën e gjelbër, ndërkohë që vendi ka porositur edhe miliona doza të Pfizer. “Tek njerëzit që po na shohin nga shtëpia dhe po presin për vaksinën, radha juaj po vjen”- tha Kryeministri Justin Trudeau. Ai shtoi se Pfizer ka rënë dakord të përshpejtojë dërgesat, duke sjellë një total prej 3.5 milionë doza përpara afatit deri në fund të muajit Maj. Dërgesat në Kanada kanë qenë të ngadalata, duke mbetur pas vendve të zhvilluara, pavarësisht se ka porositur më shumë vaksina për frymë se çdo vend tjetër.
Me një popullsi prej 38 milionë, kanadaja pret 36.5 milionë doza të vaksinave të miratuara më parë deri në fund të Qershorit. Rregullatori autorizoi vaksinat e Pfizer dhe Moderna në Dhjetor dhe të AstraZeneca në Janar. Secila nga këto kërkojnë një regjim me 2 doza. Qeveria e Ontarios, provincës me popullsinë më të madhe në Kanada, deklaroi se do zgjasë periudhën maksimale mes dy dozave në 4 muaj, që të përshpejtojë aksesin tek doza e parë.
Përveç punonjësve të shëndetësisë dhe të moshuarve, Ontario planifikon t’i japë prioritet atyre që nuk mund të punojnë nga shtëpia , përfshirë mësuesit. Vaksina e J&J është e para me një dozë e miratuar në Kanada dhe mund të ruhet në temperature normale të frigoriferit, ndryshe nga vaksinat e Pfizer dhe Moderna. Vaksina e J&J, që është autorizuar për të rriturit në kanada, është 66% efektive në parandalimin e sëmundjes së ashpër. Kanadaja ka porositur 10 milion doza fillimisht, me opsionin për të shtuar 28 milionë të tjera. Deri më tani, 4.2% e popullsisë së kanadasë ka marrë të paktën 1 dozë të vaksinës së koronavirusit, krahasuar me 16% në SHBA.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.