Kanadaja, tarifa për aluminin nga SHBA – Tarifat, pas vendimit të administratës Trump për prodhimin kanadez

Kanadaja do të vendosë tarifa për produktet prej alumini të SHBA me vlerë 3,6 miliardë dollarë pasi Shtetet e Bashkuara thanë se do të impononin  masa shtesë për importet e aluminit kanadez, deklaroi një zyrtar i lartë i qeverisë. Por, zëvendëskryeministrja, Chrystia Freeland tha se këto tarifa shtesë do të hyjnë në fuqi pas datës, 16 shtator, pasi të jenë kryer konsultime me industrinë përkatëse.

Këto tarifa shtesë, shënojnë goditjen e  fundit në një marrëdhënie të cënuar, midis fqinjëve dhe aleatëve të ngushtë që kur Presidenti Donald Trump mori detyrën në 2017.
Trump ka vendosur përsëri tarifa prej 10% për disa produkte kanadeze alumini për të mbrojtur industrinë e SHBA nga një “rritje” e importeve. Mirëpo, Kanadaja nga ana tjetër mohon të pranojë çdo masë e cila nuk është e përshtatshme.

“Në një kohë kur ne jemi duke luftuar një pandemi globale një mosmarrëveshje tregtare është gjëja e fundit që kemi nevojë, pasi ky vendim do të dëmtojë rimëkëmbjen ekonomike në të dyja vendet. Megjithatë, kjo është ajo që administrata amerikane ka zgjedhur të bëjë , “tha Freeland.

Lista kanadeze e mallrave që mund të jenë subjekt i tarifave përfshin shufra alumini, frigoriferë, biçikleta, lavatriçe dhe klube të golfit. Lista e mallrave që i nënshtrohen tarifave është më e vogël se herën e fundit në vitin 2018, kur Kanadaja vendosi tarifat e mallrave në vlerë 16,6 miliardë dollarë, pasi Uashingtoni nga ana e tij vendosi sanksione ndaj aluminit dhe çelikut kanadez.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.