Kandidimi për anëtar të AMSHC – Kryeministria hap aplikimet, kriteret dhe afatet e aplikimit
Kryeministria përmes një njoftimi të publikuar në faqen zyrtare bën të ditur se është hapur thirrja për kandidimin si anëtarë të Bordit të Mbikëqyrës të Agjencisë për Mbështetjen e Shoqërisë Civile (AMSHC). Sipas njoftimit, konkurrimi është i hapur për përfaqësuesit që i përkasin shoqërisë civile.
Kandidati i cili do të kandidojë për këtë pozicion duhet të plotësojë një sërë kriteresh të tilla si të jetë shtetas shqiptar apo person pa precedent penal
Po ashtu, në listën e kritereve përfshihet përvoja e punës me organizatat e shoqërisë civile jo më pak se 3 vjet, të mos jetë deklaruar përgjegjës për keq menaxhimin e ndonjë personi juridik me pasojë falimentimin e tij si dhe të ketë eksperiencë ne grantdhënie ose në zbatim projektesh.
Organizatat e shoqërisë civile duhet të paraqesin kandidatët së bashku me dokumentet e nevojshme brenda një afati kohor prej 15 ditësh punë nga data e njoftimit. Në listën e dokumenteve përfshihen:
Kërkesa për aplikim
Curriculum Vitae (CV)
Referencat dhe letrat mbështetëse nga 5 organizata jofitimprurëse
Dokumente dhe deklarata të tjera provuese për vërtetimin e përmbushjes së kritereve të kandidimit, të përcaktuara më lart. Kandidatët do të kenë mundësi të dorëzojnë aplikimet e tyre deri në datën 4 janar të vitit 2018, pranë Kryeministrisë.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.