Kapaciteti i prodhimit të Sinopharm. Pritet të arrijë 1 mld doza në 2021 ç’ka do furnizojë plotësisht tregun
Kapaciteti i prodhimit të vaksinave të Covid-19 me version të paaktivizuar të virusit, nga Sinopharm në Kinë, do të kalojë 1 miliardë doza në vitin 2021, sipas presidentit të kompanisë, Liu Jingzhen. Sinopharm ka tërhequr vëmendje për arritjet në luftën kundër virusit, pasi ka zhvilluar kite të testimit të acidit nukelik brenda 48 orëve, ka përgatitur me sukses plazma për pacientët në gjendje të vështirë, si dhe ka zhvilluar dhe marrë miratimin për vaksinën për 335 ditë. Deri më tani, mbi 43 milionë doza të vaksinës së Sinopharm janë përdorur në të gjithë botën, ku prej tyre, mbi 34 milionë janë brenda vendit.
“Kapaciteti i prodhimit i fazës së parë dhe të dytë të projektit tonë të vaksinës, do të arrijë në 1 miliardë doza këtë vit, që do furnizojnë plotësisht tregun”- tha Liu. Shumë qytete në Kinë kanë nisur vaksinimin për të gjithë qytetarët dhe pas puëshimeve të Festivalit të Pranëverës, qendrat e vaksinimit do të hapen gradualisht. Mosha e rekomanduar e vaksinimit për përdorim emergjent është 18-59 dhe të gjithë mbi 18 vjeç mund të vaksinohen pasi injeksioni i Sinopharm mori miratimin e kushtëzuar, sipas Liu. Sinopharm po zhvillon gjithashtu vaksina me protein rekombinante të Covid-19, që janë pranë provave klinike.
“Efekti i vaksinave me proteinë rekombinante mund të jetë më i mirë dhe prodhimi në masë do jetë më i thjeshtë. Prodhimi i vaksinave të paaktivizuara duhet të prodhohen në laboratore me gradë të lartë të sigurisë biologjike. Ndërsa prodhimi i vaskianve me proteijnë rekombinante, nuk kërkon këto laboratore”- tha Liu.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.