Katari i vjen në ndihmë Turqisë! Ofron $15 mld investime, ndërkohë që SHBA ashpërson qendrimin
Katari premtoi 15 miliardë dollarë investime në Turqi, duke mbështetur rritjen e valutës, ndërkohë që Shtetet e Bashkuara bënë të ditur se nuk do të heqin tarifat e çelikut edhe nëse vendi liron priftin amerikan. Qëndrimi i Shtëpisë së Bardhë nuk i jep nxitje autoriteteve turke që të lirojnë Andrew Brunson, që ndodhet në gjyq për akuza të terrorizmit.
Ndërkohë që çështja e Brunson është ende larg zgjidhjes, presidenti turk Erdogan, mori mbështetje nga Emiri i Katarit, i cili miratoi një paketë të projekteve ekonomike, investimeve dhe depozitave, pasi u takuan në Ankara.
Paraja e Katarit do të kanalizohet nëpërmjet bankave dhe tregjeve financiarë. Ky veprim nga vendi aleat ofroi mbështetje për lirën turke, pas lëvizjeve nga banka qendrore për të tkurrur likuiditetin dhe frenuar shitjen e valutës. Lira ka humbur thuajse 40% kundër dollarit deri më tani për vitin, prej shqetësimeve të rritjes së kontrollit të Erdogan në ekonominë e vendit dhe ngurrimit të tij për të rritur normat e interesit.
Përplasja me SHBA ka ndikuar gjithashtu në rënien e pjerrët të valutës. Lira preku 7.24 dollarë në nisje të javës, gjë që tronditi tregjet financiar globalë dhe kërcënoi stabilitetin e sektorit financiar të Turqisë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.