Kategorizimi i strukturave akomoduese/ Reduktimi i TVSH-së, Ministria shtyn afatin, mund të aplikohet deri në fund të vitit

Çdo subjekt, që ushtron veprimtarinë si strukturë akomoduese, është i detyruar të aplikojë pranë Ministrisë së Turizmit dhe Mjedisit, për t’u pajisur me certifikatën e kategorizimit brenda datës 31.12.2019, për të përfituar shkallën e reduktuar të tatimit mbi vlerën e shtuar, e cila aplikohet për furnizimin e shërbimit të akomodimit në strukturat akomoduese.

Çdo subjekt, që ushtron veprimtarinë si strukturë akomoduese, është i detyruar të aplikojë pranë Ministrisë së Turizmit dhe Mjedisit, për t’u pajisur me certifikatën e kategorizimit brenda datës 31.12.2019, për të përfituar shkallën e reduktuar të tatimit mbi vlerën e shtuar, e cila aplikohet për furnizimin e shërbimit të akomodimit në strukturat akomoduese.

Ky dikaster ka vendosur të shtyjë afatin fillestar për këtë proces, që ishte data 31 tetor e këtij viti. Ndërkohë që, referuar rregullores çdo subjekt ka të drejtë të aplikojë për një prej tetë kategorive që mund të jetë “Bujtinë”, Hostel, Kamping, hotel apo motel. Gjithashtu, të tjera kategori janë resorti, Qendra Kurative apo fjetje dhe mëngjes.

Secila prej kategorive të mësipërme duhet të përmbushë një sërë  kriteresh që lidhen me kushtet që ofron struktura akomoduese përkatëse, duke filluar me kushtet e dhomave, tualeteve, shërbimit të mëngjesit, kuzhinës apo stafit.  Sipas Ministrisë së Turizmit dhe Mjedisit, ky proces ka si qëllim rritjen e cilësisë së shërbimeve në strukturat akomoduese, uljen e informalitetit si dhe krijimin e bazës së të dhënave statistikore për fushën e turizmit.

Kategoritë e strukturave akomoduese

“Bujtinë” ;

“Fjetinë” (Hostel);

“Kamping”;

“Hotel”;

“Motel”;

“Resort”;

“Qendër kurative”;

“Fjetje dhe mëngjes” (B&B).

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.