Katër emigrantë, përfshirë dy fëmijë, humbën jetën në Kanalin Anglez – Anija e tyre u fundos për shkak të motit
Të paktën katër persona, përfshirë dy fëmijë u mbytën pasi një anije migrantësh u fundos në Kanalin Anglez pranë Calais të martën.
Autoritetet franceze thanë se një grua dhe dy fëmijë të moshës pesë dhe tetë vjeçare ishin midis viktimave. Trupi i një burri tjetër u gjet më herët gjatë ditës.
Pesëmbëdhjetë njerëz janë shpëtuar, por ka paralajmërime që numri i të vdekurve mund të rritet me tre – përfshirë dy fëmijë – që thuhet të jenë në një “gjendje hipotermie”.
Udhëtarët kuptohet se janë shtetas iranianë.
Një zyrtar francez tha se ishte e paqartë se sa ishin në anije kur ajo u fundos rreth orës 9.30 të mëngjesit të martën, por që mund të kishte deri në 20 persona në bord.
Agjencia e Shoqatës së Shtypit të Britanisë llogariti që më shumë se 7,400 migrantë kishin kaluar me anije deri më tani në vitin 2020, nga 1,800 në të gjithë 2019. Shumë më tepër janë ndaluar nga autoritetet franceze përpara se të mbërrinin në ujërat britanike.
D.B – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.