KE bën thirrje për të pritur Komisionin e Venezias, Varhelyi: “Parlamenti të marrë në konsideratë shtyrjen e votimit për Kodin Zgjedhor”
Komisioneri për Fqinjësinë dhe Zgjerimin në Komisionin Europian, Oliver Varhelyi ka reaguar pasi Presidenti Ilir Meta kërkoi opinionin e Komisiont të Venecias lidhur me Kodin Zgjedhor që ka miratuar Parlamenti shqiptar. Kod të cilin Meta e ka kthyer me dekret dhe i kërkon Kuvendit e qeverisë të reflektojnë.
Në një status në Twitter, Varheli thotë se: “Në lidhje me kodin zgjedhor në Shqipëri, besoj se Komisioni Venecias mund të ofrojë një këshillim të shpejt për implementimin e ndryshimeve kushtetuese të 30 korrikut. Parlamenti duhet të marrë në konsideratë ta shtyjë ose të presë, mendimin e komisionit para se të votojë. Pres që zgjedhjet parlamentare të muajit prill të jenë të lira dhe të ndershme.”
Reagimi vjen pas deklaratës së presidentit Ilir Meta se ndryshimet kushtetuese dhe në kodin zgjedhor i ka dërguar për opinion në komisionin e Venecias.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.