KE mban një minutë heshtje. Dënon sulmet e “neveritshme” në Vienë. Macron: Nuk do dorëzohemi

Komisioni Europian bëri thirrje për mbajtjen e një minutë heshtjeje pas sulmit me armë në Vienë që la 4 persona të vdekur në zemër të kryeqytetit austriak të Hënën në mbrëmje.   Zëdhënësi i komisionit Eric Mamer tha se Ursula von der Leyen i ka telefonuar kancelarit Sbastian Kurz më herët gjatë ditës, për ta ngushëlluar mbi sulmin që e quajti si të “neveritshëm”.  Zëdhënësi tha se 27 vendet anëtare të bllokut janë më të bashkuara se kurrë dhe nuk duhet të harrojnë viktimat e terrorit kudo në botë.  Mamer tha se mendimet e zyrtarëve europianë duhet të shkojnë gjithashtu tek viktimat e një sulmi që la të paktën 22 të vdekur në kryeqytetin afgan në nisje të Javës. Tre të armatosur hynë në universitetin e Kabulit dhe vranë student të klasave të tyre.

“Në emër të Komisionit Europian, ne do të mbajmë tashmë një minutë heshtje për viktimat e sulmeve terroriste ën Austri dhe Francë.  Ne qjemi të bashkuar më shumë se kurrë. Ne nuk do harrojmë dhe sulmet terroriste kudo në botë dhe mendimet tona shkojmë për viktimat në Universitetin e Kabulit.”

Presidenti francez Emmanuel Macron, vizitoi ambasadën austriake në Paris për të shprehur simpatitë dhe solidaritetin e Francës. Macron tha se sulmi përfaqëson dëshirën e armiqve për të sulmuar atë ç’ka Europa përfaqëson, kulturën, lirinë dhe vlerat.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.