KE: Pagesa e BE-së në rubla për gazin rus do të shkelte regjimin e sanksioneve!
Pagesa për gazin rus në rubla nga blerësit e Bashkimit Europian do të thyente regjimin e sanksioneve të BE-së kundër Moskës, thuhej në një shënim të brendshëm të Komisionit Europian.
Shënimi, duke e bërë të qartë se është teknik, paraprak dhe i bazuar në një përkthim jozyrtar të Dekretit presidencial rus të 31 marsit, thoshte se ligji shtonte disa shtresa të reja detyrimesh për blerësit e gazit të BE-së, duke hequr përfundimin efektiv të blerjes nga duart e tyre.
“Ky mekanizëm do të çonte në një shkelje të masave kufizuese ekzistuese të BE-së të miratuara në lidhje me Rusinë, qeverinë e saj, Bankën Qendrore të Rusisë dhe përfaqësuesit e tyre; si dhe ndalimin e përgjithshëm të gjerë për të anashkaluar dhe masat kufizuese të BE-së”, thuhej në shënimin e brendshëm. RTS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.