Kënaqësia e konsumatorëve, çelësi i shitjeve tuaja
Edhe pse dëshira mund të jetë shumë e madhe , biznesi juaj jo gjithmonë mund ti kënaqë klientët tuaj. Ekzistojnë shumë elementë të cilët ndikojnë në besueshmërinë e konsumatorëve kundrejt jush, ndaj nuk është shumë e thjeshtë. Mos u frikësoni kur të ndodhë, është një fenomen i cili ndodh në çdo biznes. Përpiquni ti përkushtoheni maksimalisht biznesit tuaj në këtë mënyrë besueshmëria e klientëve do të vijë vetëvetiu. Meqenëse besueshmëria e klientëve është shumë e rëndësishme këtu keni disa këshilla se si mund ta arrini atë.
- Kompensoni konsumatorët e pakënaqur.
Gabime ndodh gjithkund, por nëse ju i tregoni konsumatorit se ju vjen keq dhe ishte thjesht një gabim nga ana juaj, gjithçka do të jetë në rregull. Ekzistojnë shumë forma për këtë gjë psh duke i dhënë një kupon, një produkt pa para etj.
- Përpiquni të jeni korrekt me porositë tuaja
Përpikmëria e porosive është çelësi i suksesit, jo vetëm vlerësohet shumë nga ana e konsumatorëve po r ju shton edhe shumë pikë si biznes sepse përpikmëria është element i cilësisë e duke qenë të përpiktë tregoni se jeni cilësorë.
- Krijoni një shërbim sa më cilësor për klientin
Sigurohuni që stafi që merret me kujdesin ndaj klientit të jetë gjithmonë miqësor dhe i kujdesshëm. Me shumë mundësi konsumatorët mund të kërkojnë informacion për produktin që kanë blerë ose mund të kenë ankesa për diçka që nuk u ka pëlqyer. Pavarësisht nga situata, sigurohuni që shërbimi ndaj klientit të jetë sa me cilësor që të jetë e mundur.
- Zgjidhni problemet sa më shpejtë dhe jepuni shpjegim për gabimet që mund të jenë bërë.
Gabimet mund të ndodhin dhe shumica e konsumatorëve e kuptojnë këtë. Por reagimi që keni ju kundrejt atij gabimi do të thotë shumë. Është shumë e rëndësishme të shpjegoni e të tregoni se gabimi i kryer ishte i rastësishëm dhe nuk ju karakterizon aspak si biznes sepse vetëm në këtë formë konsumatorët nuk do të heqin dorë prej jush.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.