Kërkesa e 22 deputetëve: Kongresi i Lushnjes të bëhet festë zyrtare – Shqiptarët 15 ditë pushimi në vit
22 deputetë të opozitës së re parlamentare kanë depozituar zyrtarisht në vend Projektligjin që fut në listën e festave zyrtare 21 janarin, ditën e çeljes së punimeve të Kongresit të Lushnjes. Sipas, deputetëve që kanë nënshkruar projektligjin, nisur nga fakti historik se Kongresi i Lushnjes, i mbajtur në vitin 1920, është ngjarja e dyte me e madhe historike prej vitit 1912 pas shpalljes se Pavarësisë se Shqipërisë me 28 nëntor te vitit 1912, dhe meqenëse jemi ne prag te 100 vjetorit te mbajtjes se kongresit te Lushnjes i cili shënon dhe 100 vjetorin e Parlamentarizmit Shqiptar është mese e drejte qe kjo date te shpallet si feste kombëtare dhe si date historike e historisë se Shqipërisë. Po ashtu, theksohet më tej në relacion, Këshilli Bashkiak i Bashkisë Lushnjë ne mënyrë unanime ka votuar një vendim qe ja përcjell Kuvendit te Shqipërisë ku i kërkon qe data 21 janar te shpallet feste kombëtare.
Kongresi i Lushnjes, është një ngjarje e rëndësishme jo vetëm per qytetin e Lushnjes, por per gjithë Shqipërinë, ndaj kërkojnë edhe mbështetjen e gjithë shqiptarëve kudo ku ata janë.
Miratimi nga Kuvendi i këtij projektligji do të çonte në 15 numrin e festave zyrtare, duke e futur Shqipërinë në listën e shteteve me më shumë festa në Evropë. Aktualisht vendi me numrin më të madh të festave kombëtare në Evropë rezulton Finlanda me 15 festa, e pasuar nga Turqia. Vendet me më pak festa kombëtare në Evropë janë Hungaria e Holanda me nga 8 festa.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.