Kërkimi Shkencor – MASR çel raundin e dytë të aplikimeve të përbashkëta me Austrinë
Çelet raundi i dytë i aplikimeve të përbashkëta kërkimore, tekniko-shkencore, mes Shqipërisë dhe Austrisë. Ministria e Arsimit në bashkëpunim me Agjencinë Kombëtare për Kërkim Shkencor dhe Inovacion bënë thirrje për aplikime të gjithë të interesuarve. Sipas Ministrisë, kjo thirrje nxit vetëm bashkëpunime dhe partneritete të reja dhe është e hapur për të gjithë fushat e kërkimit shkencor dhe ndaj të gjithë kërkuesve Shkencor të cilët janë të interesuar.
Pas dorëzimit, projekt -propozimet e dorëzuara nga aplikuesit do të shqyrtohen dhe me tej do të vlerësohen, sipas sistemeve të miratuara të vlerësimit në secilin shtet, kjo në kuadër të marrëveshjes së Bashkëpunimit Shkencor e Teknologjik mes dy vendeve . Udhëzimi bënë të qartë se Dokumentet do të dorëzohen në versionin hard- copy, pranë Agjencisë Kombëtare për Kërkim Shkencor dhe Inovacion.
Lidhur me aplikuesit të cilët janë shpallur fitues në raundin e parë duhet të aplikojnë sërish, por duke propozuar si partnerë në Austri, drejtues të ndryshëm projektesh nga ata të propozuar në raundin e parë. Sipas Ministrisë së Arsimit, projekt-propozimet fituese, do të financohen për një afat kohor prej dy vitesh, nisur nga viti i ardhshëm, me grante të ndara për secilin vit. Shuma e grantit nuk do të jetë më lartë se 500 mijë lekë . Të interesuarit kanë afatin e fundit për të aplikuar deri në datë 30 qershor të këtij viti.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.