Kërkojnë rikthimin në detyrë – Lulo, Hoxha dhe Trezhnjeva, 5 gjyqtarë e prokurorë në Apel
Ndërsa prej dy javësh Komisioni i Pavarur i Kualifikimit po zhvillon nga 3 apo 4 seanca në javë me gjyqtarët e prokurorët, të njëjtin rritje të aktivitetit ka shënuar edhe Kolegji i Posaçëm i Apelimit. Për muajin korrik, këtij komisioni i është dashur të shqyrtojë ankimimet apo pretendimet e 5 subjekteve të rivlerësimit, të cilët kërkojnë shfuqizimin e vendimeve për shkarkimin nga detyra.
Më datë 10 korrik Kolegji ka marrë në shqyrtim kërkesën e Komisionerit Publik për ndërprerjen e Vetting-ut për Prokurorin Sulejman Tola. Një ditë më pas Kolegji ka regjistruar kërkesën e gjyqtarit Fatmir Lulo, i cili kërkon rrëzimin e vendimit për shkarkim dhe rikthimin në detyrë.
Më datë 16 korrik, Kolegji i Apelimit do të vendosë mbi përfshirjen apo jo në Vetting të Gjyqtares Mirela Fana, e cila ka paraqitur dorëheqjen. Më datë 17 korrik Kolegji do të shqyrtojë kërkesën e Gjyqtarit të Kushtetueses Fatos Lulo për rikthimin në detyrë pas shkarkimit nga ana e Komisionit të Pavarur të Apelimit. Më datë 26 korrik, Apeli do të shqyrtojë kërkesën e Gjyqtarit të Durrësit Beshim Trezhnjeva, i cili kërkon gjithashtu rikthimin në detyrë.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.