Këtë vit do të jepen dy çmime Nobel për Letërsi
Dy çmime Nobel për Letërsi do të jepen këtë vit, pasi Akademia Suedeze vitin e shkuar shtyu dhënien e këtij çmimi pas skandalit të një prej anëtarëve, i akuzuar për ngacmim seksual.
Bordi i Fondacionit Nobel tha se akademia ka bërë një sër ndryshimesh, duke bërë të mundur që anëtarët të japin dorëheqjen, duke sqaruar statuset e tyre dhe duke shtuar anëtarë të rinj.
“Akademia gjithashtu nuk përfshin asnjë anëtar të cilët janë subjekt i konfliktit të interesit apo hetimeve penale,” tha ajo në një deklaratë të martën.
Duke shtuar se, akademia do të emërojë pesë anëtarë të jashtëm të pavarur të cilët do të marrin pjesë në detyrën e përzgjedhjes së laureatëve të çmimit Nobel.
“Për më tepër, Akademia po studion potencialin për të futur një formë të kufizimit kohor në anëtarësim, në mënyrë që të thjeshtojë reformat në të ardhmen në aktivitetet e saj duke siguruar vazhdimësi të kompetencës dhe kapacitetit të punës”.
Fituesi më i fundit i Çmimit Nobel për letërsi ishte shkrimtari japonez-britanik Kazuo Ishiguro në vitin 2017.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.