Kim, politikës: “Siguroni zgjedhje të qeta.” Soreca, thirrje shqiptarëve të dalin në votim më 25 prill
Pas takimit me kreun e KQZ-së, Ilirjan Celibashi, në një komunikim për mediat, ambasadorja e Shteteve të Bashkuara të Amerikës, Yuri Kim i bëri thirrje drejtuesve të politikës shqiptare që të sigurojnë një proces të qetë gjatë zgjedhjeve të 25 prillit.
“Ka një proces transparente dhe autoritetet janë të qarta për mbrojtjen e votës. Miqtë tuaj janë këtu për tu siguruar për këtë proces. Ekspertët janë këtu siç e dini dhe kemi 25 grupe në të gjithë vendit. Ne do të jemi me ju. ODHIR dhe ekspertët janë në vend. Unë do jemi pjese e njërit nga 25 ekipet e ambasadës së SHBA. Në të gjithë vendin për të qenë me ju ndërsa votoni, tek numërimi dhe rezultati.” tha Yuri Kim.
“Nga tani apelojmë gjithë qytetarët shqiptarë të votojnë, të ushtrojnë të drejtën e tyre, sepse është e ardhmja e tyre. Këto zgjedhje janë tejet të rëndësishme dhe BE po ju ndjek në të 60 bashkitë e Shqipërisë. Ajo cfarë ndodh në Tiranë dhe në Shqipëri, do jetë e rëndësishme për BE, Shqipëria është një vend kandidat. Është e rëndëishsme se çfarë do të ndodhë ditën e dielë në Shqipëri.” theksoi Soreca, ndërsa rezervoi fjalën e fundit për partitë politike.”
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.