Kina dhe Rusia “së bashku në Hënë” – Nënshkruajnë marrëveshjen për ndërtimin e një stacioni hapësinor

Kina dhe Rusia kanë rënë dakord të ndërtojnë së bashku një stacion hapësinor hënor që do të jetë “i hapur për të gjitha vendet”, tha Administrata Kombëtare Hapësinore e Kinës në një deklaratë të martën.

Drejtuesit e agjencive hapësinore përkatëse të të dy vendeve nënshkruan një memorandum mirëkuptimi në emër të qeverive të tyre kombëtare.

“Kina dhe Rusia do të përdorin përvojën e tyre të akumuluar në shkencën hapësinore, kërkimin dhe zhvillimin si dhe përdorimin e pajisjeve hapësinore dhe teknologjisë hapësinore për të zhvilluar së bashku një hartë rrugore për ndërtimin e një stacioni ndërkombëtar hulumtimi hënor shkencor (ILRS)”, tha Agjencia e Kinës.

Një deklaratë nga agjencia ruse e hapësirës Roscosmos tha se të dy organizatat planifikojnë të “promovojnë bashkëpunimin në krijimin e një ILRS me hyrje të hapur për të gjitha vendet e interesuara dhe partnerët ndërkombëtarë, me qëllim forcimin e bashkëpunimit kërkimor dhe promovimin e kërkimit dhe përdorimit të hapësirës së jashtme për qëllime paqësore në interes të gjithë njerëzimit “.

Stacioni hapësinor hënor do të jetë “një kompleks i pajisjeve eksperimentale dhe kërkimore” të krijuara në sipërfaqen e hënës dhe / ose në orbitën e hënës, sipas deklaratës së Roscosmos. Objektet do të projektohen për një sërë hulumtimesh multidisiplinare.

Kina dhe Rusia tani do të punojnë për të ndërtuar një hartë r për mënyrën e dizajnimit, zhvillimit dhe funksionimit të stacionit dhe të planifikojnë “prezantimin e tij përpara komunitetit hapësinor botëror”, tha Roscosmos.

D.B – SCAN
Burimi: CNN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.