“Kina do të hapë super-ekonominë e saj ndaj importeve të huaja” – Presidenti Jinping flet kundër proteksionizmit në Forumin Apec

Presidenti kinez Xi Jinping ka thënë se Kina do të hapë ekonominë e saj “super të madhe” për të importuar më shumë mallra dhe shërbime me cilësi të lartë. Kina do të nënshkruajë gjithashtu pakte të tregtisë së lirë me më shumë vende.

Z. Xi po fliste në forumin e Bashkëpunimit Ekonomik Azi-Paqësor (Apec), i cili përfshin SHBA dhe Rusinë.

Është ende e paqartë nëse Presidenti i SHBA Donald Trump do të flasë në ngjarjen, e cila vazhdon të premten. Z. Trump ka përdorur më parë ngjarjen për të paraqitur vizionin e tij konkurrues për të ardhmen e tregtisë globale.

Kina dhe SHBA janë të përfshira në një luftë tregtare që nga viti 2018 mbi taksat e importit dhe firmat e teknologjisë kineze që veprojnë në Amerikë.

Z.Xi gjithashtu përdori fjalimin në Apec për të mohuar se Kina do të tërhiqej nga ekonomitë e tjera – e njohur si shkëputje – dhe paralajmëroi kundër proteksionizmit.

“Ne nuk do të ndryshojmë drejtimin ose do të shkojmë kundër trendit historik duke ‘ u shkëputur” ose duke formuar një rreth të vogël për të mbajtur të tjerët jashtë, ” tha Z. Xi.

D.B – SCAN

Burimi: BBC

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.