Kina do të pranojë hyrjen e të huajve, vetëm nëse ata janë vaksinuar me vaksinën kineze
Kina po rifillon përpunimin e vizave për të huajt nga dhjetëra vende, por vetëm nëse ata janë inokuluar kundër Covid-19 me një vaksinë të prodhuar nga kinezët.
Masa ka ngritur pikëpyetje në lidhje me motivet prapa kërkesës, duke qenë se vaksinat e Kinës nuk janë aprovuar në shumë prej vendeve ku ajo ka hapur udhëtime dhe se nuk do të pranojë vaksina të huaja të bëra diku tjetër, përfshirë ato të miratuara nga Organizata Botërore e Shëndetësisë.
Pekini kishte ndaluar kryesisht udhëtimet jo-thelbësore në Kinë gjatë pandemisë. Rifillimi i udhëtimit është një faktor kryesor për rimëkëmbjen ekonomike dhe shumë vende po diskutojnë pasaporta të vaksinimit të njohura reciprokisht, pasi ato zbatojnë shpërndarjet e brendshme të vaksinave.
Njoftimet e bëra nga ambasadat kineze në rreth 20 vende këtë javë ndryshojnë pak për secilin vend, por kryesisht premtojnë një kthim në përpunimin e vizave para-pandemike për disa grupe, në mënyrë që të rifillojnë “shkëmbimet midis njerëzve në një mënyrë të rregullt”.
D.B – SCAN
Burimi: CNBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.