Kina do të rrisë shpenzimet e mbrojtjes me ritmin e saj më të shpejtë që nga viti 2019!
Shpenzimet e mbrojtjes të Kinës këtë vit do të rriten me ritmin e saj më të shpejtë që nga viti 2019, sipas planit të Ministrisë së Financave të publikuar të shtunën.
Shpenzimet e mbrojtjes do të rriten me 7.1% në 1.45 trilion juanë (230.16 miliardë dollarë) këtë vit, më shpejt se rritja prej 6.8% në 2021 dhe rritja 6.6% në 2020, sipas të dhënave zyrtare.
Shpenzimet e mbrojtjes të Kinës u rritën me 7.5% në 2019 në 1.19 trilion juanë.
Shpenzimet totale të qeverisë qendrore për buxhetin e përgjithshëm publik pritet të rriten me 14.3% në 13.40 trilion juanë këtë vit, tha ministria e financave.
Deklaratat e tjera të kryeministrit kinez Li Keqiang për zhvillimin ushtarak dhe politikën e jashtme mbetën në përputhje me ato të vitit 2021. Ai tha se “Kina do të vazhdojë të ndjekë një politikë të jashtme të pavarur paqeje”.
Li nuk përmendi vendet e tjera të mëdha në raportin e punës së qeverisë. Buxheti i përgjithshëm i mbrojtjes i SHBA-së për vitin 2022 arrin në pak më pak se 770 miliardë dollarë, 2% më shumë se vitin e kaluar. CNBC
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.