Kina e gatshme për kundërmasa ndaj SHBA – BE, apel dy supefuqive të mos nisin luftëra tregtare
Zyrtarët e Bashkimit Europian u pritën në Kinë ditën e hënë, në një takim ku fokusi ishte tregtia ndërkombëtare. Kryeministri kinez Li Keqiang mikpriti Presidentin e Këshillit Europian Donald Tusk dhe Presidentin e Komisionit Europian Jean-Claude Juncker, në një moment kur frikërat janë të larta mbi një luftë tregtare mes Uashingtonin.
Në fjalën e tij, Keqiang theksoi nevojën për të pasur tregti të lirë, megjithatë u shpreh i gatshëm për të marrë çdo kundërmasë që do të vendoset nga SHBA.
Tusk u bëri apel të dy shteteve të mos nisin luftëra tregtare dhe të reformojnë Organizatën Botërore të Tregtisë në mënyrë që të jetë e pajisur të luftojë transfertat e forcuara të teknologjisë dhe subvencionet e qeverive, dy aspekte në qendër të kritikave nga Trump.
Sipa Juncker, Kina ka një mundësi të mirë për të hequr dorë nga taktikat proteksioniste, që vështirësojnë ardhjen e kompanive të huaja në vend. Së fundmi, Kina ka pranuar një projekt nga kompania gjermane BASF në fushën e përpunimit të naftës, me një vlerë gjigande investimi prej 10 miliardë dollarësh.
Juncker tha se “nëse Kina dëshiron të hapë ekonominë, ajo mund ta bëjë këtë gjë. E di se si të hapet”.
Nga ana e tij, Li u shpreh se do që të përmirësojë autoritetin e OBT dhe rishprehu zotimin se Kina do të përmirësojë ndjeshëm aksesin në treg për kompanitë e huaja, do të reduktojë tarifat dhe do të kërkojë një tregti më të balancuar me BE.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.