Kina godet SHBA aty ku i dhemb! Do të tarifojë importet e naftës, duke bërë që askush të mos ta blejë
Kina deklaroi se do të vendosë tarifa në 25% për importet e naftës bruto nga SHBA, nëse Washingtoni vazhdon me planin e vetë tregtar. Kjo vjen në një kohë që Shtetet e Bashkuara kanë rritur ndjeshëm dërgesat e naftës në Kinë.
Në vitin 2016, Shtetet e Bashkuara nisën të eksportonin naftë për herë të parë në 40 vite. Në 4 muajt e parë të vitit, Kina bleu rreth 330 mijë fuçi të naftës bruto amerikane në ditë, që arrin thuajse 1 miliardë dollarë çdo muaj dhe zë 20% të eksporteve totale të SHBA. Në Qershor, Kina kaloi Kanadanë, duke u kthyer në blerësin më të madh. Ekspertët thonë se prodhimi i SHBA pritet të rritet dhe Kina do të konsumojë akoma më shumë naftë amerikane.
Blerësit kinezë kanë qenë të gatshëm për ta eksportuar naftën amerikane në të gjithë botën, për shkak se tregtohet në zbritje krahasuar me çmime të tjera referencë në botë si nafta Brent. Por, nëse SHBA vazhdon me planin e tarifave, që do të sjellë kundërpërgjigje nga Kina për importet e naftës amerikane, ekspertët thonë se tregu do të tkurret.
Sipas analistëve, kërkesa në Kinë do të bie në 0 brenda ditës, për shkak se askush nuk do të paguajë 18 dollarë ekstra për fuçi, vetëm se vjen nga Shtetet e Bashkuara. Blerësit kinezë do të zhvendosnin importet te vende të tjera si Nigeria apo Rusia.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.