Kina “injoron” luftën tregtare – Eksportet priten në rritje të fortë, pavarësisht tarifave nga SHBA
Eksportet e Kinës pritet të tregojnë një rritje të qëndrueshme për Korrikun, pavarësisht tarifave ndaj miliarda dollarë mallra drejt Shteteve të Bashkuara. Megjithatë, perspektiva është përkeqësuar, ndërkohë që të dy vendet nuk po ndalojnë së prezantuara masa në kundërpërgjigje.
Kina propozoi tarifa ndaj 60 miliardë dollarë mallra amerikanë, që variojnë nga gazi i lëngshëm natyror e deri te avionët. Kjo erdhi në kundërpërgjigje ndaj propozimit të Donald Trump për 25% tarifa në 200 miliardë dollarë mallra të importit.
Lufta tregtare mes Pekinit dhe Washingtonit ka trazuar tregjet financiarë në të gjithë botën, prej shqetësimeve se do të frenojë rritjen ekonomike globale. Sipas ekonomistëve, tarifat ndaj 34 miliardë dollarë mallra kinezë nga SHBA, që u bënë efektive më datë 6 Korrik, nuk kanë dhënë deri më tani ndonjë ndikim të rëndësishëm në totalin e eksporteve të Kinës.
Eksportet e Korrikut pritet të jenë rritur me 10% me bazë vjetore, krahasuar me 11.2% rritje në Qershor. Tregjet janë përqendruar në të dhënat mbi luftën tregtare mes 2 ekonomive më të mëdha në botë, si dhe mbi suficitin kinez me SHBA, që është një nga çështjet vendimtare në marrëdhënien tregtare.
Suficiti i Kinës me SHBA u rrit në një nivel rekord gjatë Qershorit, ndërkohë që eksportet vazhduan të rriten. Importet e Kinës pritet të jenë rritur me 16.2% në Korrik, nga 14.1% në Qershor. Suficiti total i Kinës pritet të bie lehtë në 39.3 miliardë dollarë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.