Kina kërkon aleatë në tregti – I ofron Britanisë negociata për një marrëveshje të tregtisë së lirë
Kina i ofroi Britanisë negociata për një marrëveshje të tregtisë së lirë pas Brexit, ndërkohë që presionet ndaj Pekinit janë rritur përballë luftës tregtare me Washingtonin. Kina ka kërkuar për aleatë që të luftojë me Shtetet e Bashkuara, luftë e nisur nga administrata e Trump, prej vjedhjes së pronës intelektuale të firmave amerikane në Kinë.
Britania i dha një mesazh të fortë kompanive kineze, se është e hapur për biznes pas daljes nga Bashkimi Europian dhe se Kina është një ndër vendet që po konsiderohen për një marrëveshje të tregtisë së lirë.
Ndërkohë që një pakt tregtar me Kinën do të ishte një fitore politike për qeverinë britanike, bisedimet formale nuk mund të nisin deri sa vendi të dalë në muaji Mars të vitit që vjen. Negociatat për tregti të lirë zakonisht kërkojnë vite që të përfundohen.
Përfaqësuesit kinezë kritikuan Washingtonin për shfaqjen si një viktimë nga lufta tregtare me Kinën. Sipas tyre, Shtetet e Bashkuara kanë përfituar shumë nga tregtia me Kinën, duke marrë mallra të lirë që ndihmojnë konsumatorët amerikanë. Të dy vendet u duk sikur shmangën luftën tregtare në Maj, ndërkohë që Kina ra dakord të blejë më shumë mallra bujqësorë dhe të energjisë nga Amerika, por marrëveshja dështoi pas vendosjes së tarifave nga të dy palët.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.