Kina kufizon udhëtimet për njerëzit me sjellje të pahijshme sociale
Autoritetet kineze do të fillojnë t’u heqin privilegjet e udhëtimit atyre të cilët rezultojnë me pak pikë në të ashtuquajturin “Sistemin e kreditimit social” i cili i rendit qytetarët kinezë bazuar në monitorimin gjithëpërfshirës të sjelljes së tyre.
Ata që bien ndesh me sistemin mund të mos lejohen të udhëtojnë nëpërmjet transportit hekurudhor apo atij ajror për një vit.
“Komisioni Kombëtar për Zhvillim dhe Reformë” në Kinë njoftoi ditën e premte se kufizimet mund të shkaktoheshin nga një gamë e gjerë veprash.
Sipas Reuters, ato përfshijnë veprime nga përhapja e informacionit të rremë në lidhje me terrorizmin për përdorimin e biletave të skaduara, konsumimin e duhanit në trena, apo atë të cilët kanë shkaktuar probleme gjatë fluturimeve.
Kjo masë, e cila do të hyjë në fuqi më datën 1 maj është pjesë e planeve të qeverisë kineze për të matur rezultatin e “Kreditit social” të secilit person.
Reuters raporton se ka indikacione që Kina ka zbatuar një kreditim social mbi udhëtarët edhe vitin e kaluar dhe ka rezultuar se janë ndaluar 6.15 milionë shtetas kinezë të cilëve iu bllokuan fluturimet ajrore për shkak të sjelljeve të pahijshme shoqërore.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.