Kina ndihmon Pakistanin për krizën fiskale – Ja sa është e gatshme të paguajë
Kina ka premtuar më shumë se 60 miliardë dollarë për Pakistanin në formën e huave dhe investimeve për rrugët, portet, termocentralet dhe parqet industriale për të ndërtuar atë që quhet “Korridori Ekonomik Kinë-Pakistan” , sipas ABC news. Pakistani ka marrë miliarda dollarë hua nga Kina vitet e fundit, kushtet e të cilave mbeten kryesisht të pazbuluara.
Pas një takimi në Pekin midis kryeministrit kinez Li Keqiang dhe kryeministrit të sapo zgjedhur të Pakistanit Imran Khan, zëvendësministri i Jashtëm Kong Xuanyou tha se palët “e kanë bërë të qartë në parim se qeveria kineze do të sigurojë mbështetjen dhe ndihmën e nevojshme për Pakistanin në zgjidhjen e vështirësive aktuale ekonomike”. Pavarësisht krizës që pësoi bilanci i pagesave të Pakistanit, Kong tha se nuk kishte plane për të shkallëzuar korridorin ekonomik, i njohur si CPEC, edhe pse ai tha se do të ndryshohet disi.
Në përgjigje të krizës së borxheve, Pakistani po kërkon një shpëtim emergjent prej 8 miliardë dollarë nga Fondi Monetar Ndërkombëtar, i cili planifikon të dërgojë një ekip në Islamabad për të vlerësuar situatën. Gjithashtu po kërkon kredi të reja nga Arabia Saudite dhe Kina. Vizita e Khanit në Shtetet e Bashkuara, të cilat ndikojnë fuqishëm në FMN, ka thënë se nuk do të financojë kthimin e kredive kineze të Pakistanit. Kujtojmë se Kina dhe Pakistani i referohen vetes si “miq të të gjitha kohërave”.
e.t/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.