Kina ndryshon mënyrën e diagnostikimit – Numri i vdekjeve “kërcen” në 1,350.  Injektimet kalojnë 60,000

Provinca kineze ku është shfaqur koronavirusi raportoi një rritje gjigante të numrit të vdekjeve këtë javë, pasi ndryshoi metodën e diagnostikimit, ndërkohë që Pekini pushoi 2 zyrtarë të lartë pas kritikave mbi trajtimin e krizës. Autoritetet e shëndetit në Hubei bënë të ditur se 242 persona kanë vdekur nga virusi ditën e Mërkurë, që është rritja më e madhe ditore që kur u zbulua patogjeni në muajin Dhjetor dhe duke e çuar numrin total të vdekjeve në 1,350.

Nga këto, 1,310 kanë ndodhur në provincën e Hubeit. Kina raportoi më herët gjatë javës numrin më të ulët të rasteve të reja dhe këshilltarët mjekësorë të qeverisë thanë se epidemia mund të përfundojë në muajin Prill. Mediat kineze bënë të ditur se sekretari i Komisionit Provincial të Hubeit, Jiang Chaoliang është pushuar dhe Ma Guoqiang është hequr si shef i partisë në qendrën e Vuhanit. Këto janë dy zyrtarët me profilin më të lartë që janë hequr nga puna si pasojë e koronavirusit.

Vetëm në ditën e Enjte, u regjistruan 14,840 raste në provincën e Hubeit, nga 2,015 që u raportuan në të gjithë botën një ditë më parë. Kjo erdhi pas një korrigjimi të mënyrës së diagnostikimit dhe autoritetet e shëndetësisë nisën të përdorin skanime me rreze x të kompjuterizuara (CT) për të parë shenja të virusit. Me metodën e re, u zbulua se 60,000 persona janë të infektuar me virusin dhe shumica e tyre ndodhen në Kinë.

Hubei lejonte më parë që infeksionet të konfirmoheshin vetëm me teste të ARN-së, që duan ditë të procesohen. Acidi ribonukleik mban informacion gjenetik që lejon identifikimin e organizmave si viruset. Komisioni i Shëndetit në Hubei deklaroi tashmë se skanimet e tomografisë së llogaritur, që janë më të shpejta dhe shfaqin infeksionet e mushkërive, do ndihmojnë pacientët që të trajtohen më shpejtë dhe rrisin shanset e shërimit. Analistët thonë se  procedura e re e diagnostikimit mund të shpjegojë rritjen e ndjeshme të numrit të vdekjeve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.