Kina në rimëkëmbje – Aktiviteti ekonomik përmirësohet gjatë muajit Korrik
Ekonomia kineze, e dyta më e madhe në botë, është përmirësuar në muajin Korrik, ndërkohë që periudha e ristrukturimit po vazhdon.
Të dhënat e Zyrës kombëtare të Statistikave tregojnë se ekonomia ka operuar pozitivisht, me kërkesën dhe ofertën që janë rritur në mënyrë të qëndrueshme, në një kohë të tranzicionit.
Pritshmëritë e tregjeve janë bërë më optimiste ndërsa cilësia dhe efiçenca e aktivitetit ekonomik është përmirësuar.
Gjatë muajit, vlera e shtuar e kompanive të mëdha, me të ardhura vjetore prej të paktën 3 milionë dollarë, është rritur me 6.4%, apo 0.4% më shumë krahasuar me të njëjtën periudhë një vit më parë.
Vlera e shtuar e industrive të teknologjisë së lartë u rrit me 12.1%. Kjo tregon se industria është fuqizuar ndërsa efiçenca e sipërmarrjeve është përmirësuar ndjeshëm.
Investimet në aktive fikse u rritën me 8.3% me bazë vjetore në 7 muajt e parë të vitit. Investimet private u rritën me 6.9%, duke përbërë 60.7% të totalit të investimeve. Investimet në prona u rritën gjithashtu me 7.9%.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.