“Kina nuk po manipulon juanin” – Krugman dhe ekonomistë të tjerë hedhin poshtë akuzat

Ekonomistët amerikanë thonë se Kina nuk ka manipuluar valutën, pas komenteve të Donald Trump gjatë javës që treguan të njëjtën gjë, duke i hequr akuzat ekonomisë së dytë më të madhe në botë si manipulues i valutës për të fituar avantazh tregtar.

Gjatë fushatës së tij, Trump ngriti akuza ndaj Kinës, ndërkohë që shumë ekonomistë argumentonin se juani kinez ka qenë në ekuilibër në vitet e fundit.

China has gone from selling yuan and buying dollars — weakening currency and adding reserves — to doing the reverse. But nobody told prez pic.twitter.com/2tVUXPAiDs

— Paul Krugman (@paulkrugman) April 13, 2017

“Kina nuk është manipuluese. Vendi ka përmbysur strategjinë e dikurshme ku shiste juan dhe blinte dollar amerikan për të zhvlerësuar valutën dhe shtuar rezervat”, shkruan ekonomisti fitues i çmimit Nobel, Paul Krugman në rrjete sociale.

Ish këshilltari i presidentit Bush dhe arkitekti i planit ekonomik të Ronald Reagan, tha se llogaria e kapitalit ka nxitur lëvizjet në tregjet e valutave së fundmi dhe jo tregtia.  Ai shtoi se lidhja e tregtisë me kursin e këmbimit nga Shtetet e Bashkuara po politizon problemet tregtare.

Analistët thonë se volume i investimeve kineze në SHBA është rritur në mënyrë të vazhdueshme dhe se Kina është një treg gjithnjë e në rritje i eksporteve amerikane.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.