Kina nxit çmimet, importe rekord gjatë Janarit. OPEC vijon shkurtimin
Çmimet e naftës u regjistruan në rritje gjatë sesionit të fundit të javës, duke marrë shtysë nga kërkesa e fortë nga Kina, si dhe shkurtimi i prodhimit nga vendet e OPEC.
Në çelje të sesionit të sotëm, nafta Brent e Londrës kuotohej pranë nivelit të 55.68 dollarëve për fuçi, ndërsa ajo bruto amerikane pranë 53.03 dollarëve për fuçi. Importet e arit të zi në Kinë u rritën me 27.5% gjatë Janarit tregojnë të dhënat e fundit, duke prekur nivelin e tretë më të lartë në të gjithë historinë.
Nga ana tjetër, vendet e organizatës së vendeve eksportuese së bashku me Rusinë, po vijojnë të shkurtojnë prodhimin, me objektivin për të ulur me 1.8 milionë fuçi në ditë prodhimin total brenda gjysmës së dytë të këtij viti.
Roel Korkuti/RTV SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.