Kina sinjalizon gatishmërinë për të mbështetur juanin me marrëveshjet e monedhave
Banka qendrore e Kinës ka nisur haptazi shitjen e rezervave valutore për të mbështetur Juanin, në një sinjal politik potencialisht të rëndësishëm për Uashingtonin në mes të tensioneve në rritje të tregtisë. Sipas analizave të reja, Pekini ka shitur një sasi relativisht të vogël të valutës së huaj.
Megjithatë Chang Liu, i Capital Economics, shtoi: “ të dhënat tregojnë se Banka Popullore e Kinës (PBOC) tashmë është e gatshme për të mbështetur monedhën”.
Sipas një modeli të krijuar nga Capital Economics, autoritetet kineze shitën afërsisht rreth 14 miliardë dollarë rezerva valutore gjatë muajit tetor dhe 17 miliardë dollarë në muajin shtator.
Më parë, Presidenti Trump ka akuzuar Pekinin se po përpiqet të manipulojë tregjet e monedhës në mënyrë që juani të jetë sa më konkurrues kundrejt dollarit amerikan. Shitjet e valutave të huaj nga Kina mund të interpretohen në Uashington si një përpjekje për të treguar se Pekini është i përgatitur të lejojë rënien e yuanit dhe se autoritetet kineze do të zbusin rënien e saj.
Tensioni i monedhës midis dy superfuqive ekonomike është e komplikuar nga fakti se Kina zotëron 1.2 trilionë dollarë të borxhit të Thesarit amerikan. Shitja e një sasie të konsiderueshme të këtij borxhi konsiderohet si opsioni bërthamor i Pekinit në luftën tregtare në vazhdim.
Disa organizma ndërkombëtarë, duke përfshirë huadhënësin global të mjetit të fundit, Fondi Monetar Ndërkombëtar, ka paralajmëruar se rritja e barrierave tarifore mund të prishë ekonominë globale.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.