Kina ul shqetësimet botërore – Ekonomia rritet sipër projeksioneve. Shumë herët për optimizëm

Ekonomia kineze u rrit me 6.4% në tremujorin e parë, duke thyer hedhur poshtë shqetësimet për një ngadalësim, ndërkohë që prodhimi industrial u rrit më shumë se sa pritej dhe shpenzimet konsumatore u përmirësuan. Treguesi pozitiv vjen ndërkohë që Pekini dhe Washingtoni po përpiqen të arrijnë një marrëveshje tregtare. Investitorët argumentonin se ngadalësimi i ekonomisë kineze dhe lufta tregtare, përbënin rreziqet më të mëdha që përballet ekonomia botërore. Megjithatë, analistët thonë se është ende shumë herët për optimizëm dhe se kinës i duhet mbështetje politike për të ruajtur këtë vrull.

Pekini ka ndërmarrë stimuj fiskalë këtë vit për të mbështetur ekonominë, nëpërmjet miliarda dollarë reduktime tatimore dhe shpenzime në infrastrukturë. Bankat kineze kanë dhënë hua në një nivel rekord prej 865 miliardë dollarë në tremujorin e parë, shifër më e lartë se PBB e Zvicrës. Projeksionet e ekonomistëve qëndronin për një ngadalësim në 6.3%.

Tregjet e kapitalit dhe shumica e valutave në ekonomitë aziatike patën rritje pas publikimit të të dhënave, ndërkohë që Kina është një partner kryesor tregtar. Rritja me bazë tremujore erdhi kryesisht nga prodhimi industrial, që pati një rritje me 8.5% në Mars. Eksportet patën një rimëkëmbje në muajin Mars, që sipas analistëve erdhi prej faktorëve sezonalë.   Shitjet me pakicë u rritën me 8.7% duke zbutur shqetësimet mbi përkeqësimin e ndjesisë së konsumatorit.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.