Kina, vendi që kryeson për aeroportet me rritjen më të shpejtë në botë – Kjo është arsyeja!
Gjatë 20 viteve të ardhshme, rajoni i Azisë dhe Paqësorit do të përbëjë më shumë se gjysmën e të gjithë udhëtarëve të rinj sipas një parashikimi.
Kjo rritje e pasagjerëve ka të ngjarë të transformojë aeroportet, veçanërisht në Kinë dhe Indi për të akomoduar dhjetëra apo qindra mijëra udhëtarë të rinj.
Sipas “Routesonline”, nga 20 aeroportet me rritjen më të shpejtë në botë për nga aspekti i udhëtarëve, 11 prej tyre janë të vendosur në Kinë.
Administrata Kombëtare e Turizmit në Kinë raportoi një rritje prej 3.7 për qind për vizitat brenda dhe jashtë vendit në vitin 2017 që shkojnë në 270 milionë.
Aeroporti Zhuhai Jinwan në provincën Guangdong të Kinës, është planifikuar të shohë rritjen më të madhe në të ardhmen pasi arriti të përballonte 37 për qind më shumë pasagjerë në vitin 2017 se sa një vit më parë.
Analistët nga konsulenca e aviacionit ASM thanë se rritja e Kinës mund t’i atribuohet faktit që udhëtimet ajrore po bëhen “më të lehta dhe më të lira” në të gjithë vendin ndërsa linjat ajrore të reja hyjnë në treg dhe vendosin të zgjerojnë shtrirjen e tyre.
Gjithashtu edhe 2 aeroporte nga India ishin pjesë e listës së 20 vendeve të para.
Jashtë Azisë, trendi “më lehtë dhe më lirë” funksionon në të vërtetë. Linjat ajrore ekonomike kanë ndihmuar që aeroportet e vogla të shndërrohen në destinacione tërheqëse.
Aeroporti i Islandës Keflavik, Napoli në Itali dhe Aeroporti i Sofjes në Bullgari u renditën brenda pesëmbëdhjetëshes së vendeve në rritje.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.