Kjo është gruaja që Albin Kurti ka vendosur t’i besojë Ministrinë e Ekonomisë në kabinetin e ri
Në kabinetin qeveritar të Kosovës, ashtu si Shqipëria disa vite më parë, ekzistojnë dy ministri të posaçme, të cilat funksion kryesor kanë çështjet ekonomike.
Ndërsa e para dhe ndër më kryesoret është Ministria e Financave, si institucioni bazë që merret me kontrollin e shpenzimeve publike, administratën tatimore dhe doganat e një shteti, të cilin z.Kurti ia ka besuar Besnik Bislimit, ministria e Ekonomisë trajton çështjet si zhvillimin e politikave makroekonomike dhe mbajtjen në nivelin e duhur të indikatorëve kryesorë si inflacioni dhe bilancet tregtare, si dhe projektimet për zhvillimin ekonomik/
Këtë detyrë të rëndësishme Z.Kurti ka vendosur t’ia besojë Rozeta Hajdarit, një figurë që nuk është mjaft e njohur për publikun e shqiptarëve të Kosovës.
Hajdari është e lindur në Pejë dhe tashmë jeton në Prishtinë, ku ka edhe firmën e saj private ‘R&V Consulting’, e cila merret me këshillimin e bizneseve.
Po ashtu, dihet se ajo punon si koordinatore për Arsimin e Lartë në Austrian Development Agency, një organizatë jo-qeveritare austriake që vepron në Kosovë.
Znj.Hajdari është rritur në Pejë dhe ka qenë studente në Gjimnazin “Bedri Pejani” të këtij qyteti. Pastaj është shkolluar në Suedi, ku ka përfunduar dhe universitetin atje.
Ajo ka studiuar në Universitetin Linnaeus, që ndodhet në qytetin Vajxo në Suedi.
Qeveria është votuar në ditën e sotme me 66 vota pro, pas disa orësh maratonë diskutimi në Kuvend.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.