Kjo urë e re prej qelqi ‘super e frikshme’ thyen rekordin si më e gjata në botë! (FOTOT)

Destinacioni më i ri turistik i Vietnamit po tërheq udhëtarë nga e gjithë e bota të cilët kanë dëshirë dhe interes për lartësitë.

Ura e këmbësorëve Bach Long – që do të thotë “dragoi i bardhë” në gjuhën vietnameze – është një mbikalim me fund xhami i pezulluar 150 metra mbi pyllin tropikal.

I ndodhur në provincën Son La në veriperëndim, atraksioni përmban një vendkalim prej 630 metrash që përcjell vizitorët nëpër Parkun dhe Resortin malor të ishullit Mộc Châu.

Dyshemeja e urës është bërë nga xhami i kalitur dhe mund të mbajë deri në 450 njerëz në të njëjtën kohë.

“Kur qëndrojnë në urë, udhëtarët do të jenë në gjendje të admirojnë bukurinë e natyrës poshtë”, thotë Hoang Manh Duy, një zëdhënës nga kompania operuese e urës.

Zyrtarët thonë se tani është ura më e gjatë në botë me fund xhami, duke tejkaluar një strukturë 526 metra në Guangdong, Kinë. Përfaqësuesit e rekordeve botërore Guinness pritet të verifikojnë këtë pretendim muajin e ardhshëm. AP

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.