KLP cakton detyra të reja për 6 prokurorë. ILD-ja hap 28 vende të reja vakante
Këshilli i Lartë i Prokurorisë ka miratuar të premten disa vendime për caktimin e 6 prokurorëve të përkohshëm me detyra të reja, mes të cilëve edhe ish-kryeprokuroren Arta Marku:
- Arta Marku, ish-Prokurore e Përkohshme Përgjithshme dhe aktualisht prokurore në Shkodër, caktohet prokurore në Gjykatën e Apelit Tiranë.
- Alma Bramo, aktualisht prokurore në Mat caktohet prokurore pranë Gjykatës së Shkallës së Parë Durrës.
- Violeta Shkurta, aktualisht prokurore në Fier, caktohet drejtuese e prokurorisë së Gjykatës së Shkallës së Parë Fier.
- Rita Gjati aktualisht prokurore në Kukës caktohet drejtuese e Prokurorisë pranë Gjykatës së Shkallës së Parë Kukës.
- Arben Dyla aktualisht prokuror në Lushnjë, caktohet drejtues i prokurorisë pranë Gjykatës së Shkallës së Parë Lushnjë.
- Kreshnik Ajazi aktualisht prokuror në Elbasan caktohet drejtues të Prokurorisë pranë Gjykatës së Shkallës së Parë Elbasan.
Në mbledhjen, e cila u zhvillua me videokonferencë, iu dha leje për arsye familjare prokurorit Bujar Hoxha. Gjithashtu, KLP vendosi që me miratimin e strukturës së Inspektoratit të Lartë të Drejtësisë nga Kuvendi i Shqipërisë të shpallë 28 vende vakante në këtë institucion. Vendet e lira janë nga drejtor, përgjegjës te inspektor. Më konkretisht ato përfshihen si më poshtë:
- Ndihmës inspektorë (18 vende);
- Sekretar të Përgjithshëm (1 vend);
- Drejtorë të përgjithshëm të zyrave juridike, analizave ligjore, ekonomike (4 vende);
- Përgjegjës sektorësh në burimet njerëzore, çështjet juridike, ekonomike dhe të informacionit (5 vende)
Thirrja më e plotë për vende vakante mund të gjendet edhe duke klikuar këtu.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.