KLP komandon 5 drejtues të përkohshëm të Prokurorisë në rrethe
Këshilli i Lartë i Prokurorisë ka zhvilluar në ditën e sotme mbledhjen e radhës në të cilën janë marrë disa vendime të rëndësishme për transferimin dhe miratimin e Drejtuesve të prokurorisë pranë Gjykatave të Shkallës së Parë dhe atyre të Apelit.
Në këtë mënyrë KLP-ja miratoi projekt-aktet në të cilat, Brahim Dragoshi është komanduar si drejtues i Prokurorisë së Apelit Shkodër. Lorenc Mërkuri komandohet drejtues i Prokururorisë Sarandë. Erion Çela komandohet drejtues i Prokurorisë Vlorë. Ludovik Doda komandohet drejtues i Prokurorisë së Apelit Durrës dhe Asllan Bajramaj drejtues i Prokurorisë Përmet.
Gjithashtu Lazër Çardaku dhe te Afredita Ndoi janë komanduar prokurorë respektivisht në Prokuroritë e Apelit të Shkodrës dhe Apelit të Durrësit.
Në mbledhje, Këshilli ka trajtuar edhe kërkesën e drejtuesit të SPAK, z.Arben Kraja i cili kërkon plotësimin e vakancave për dy prokurorë në njësinë speciale.
Njoftimi i vendeve vakante si dhe kriteret qe duhet te plotësojnë kandidatet do te publikohen ne faqen zyrtare te KLP.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.