KLSH liston shkeljet në buxhet: “Detyrimet e prapambetura në rritje, hiqen faturat e gjyqeve për largimet nga puna”
Kontrolli i Lartë i Shtetit ka nxjerrë në pah një sërë shkeljesh në zbatimin e buxhetit për vitin 2019, duke konsideruar veçanërisht si shqetësim vijimi e fenomenit të krijimit të detyrimeve të prapambetura, regjistrimin e kontratave në shkelje të aftave dhe nisjen e projekteve publike, pa pasur në dispozicion fondet e duhura. Gjetjet e raportit u prezantuan në Komisioni e Ekonomisë dhe të Financave.
“Fenomeni i regjistrimit të kontratave në tejkalim të afateve. Ka vijuar ndërmarrja e angazhimeve pa fondet e duhura. Jane lidhur kontrata me vlere me te larta se fondet disponibel. Krijimi i detyrimeve te prapambetura eshte fenomen ne rritje, per shkak te mungese se masave”.
Po ashtu një tjetër pikë shqetësuese e gjetjeve të KLSH-së është mosdeklarimi nga ana e Ministrisë së Financave si shpenzime, të faturës së gjyqeve për largime të padrejta nga puna, të punonjësve të administratës publike.
”Vendimet gjyqësore te formes se prere nuk deklarohen si shpenzime ne kundershtim me ligjin. Stoku i detyrimeve te prapambetura llogaritet mbi 3 mld leke. Duke marre ne konsiderate faturen e larte, per pushime nga puna, KLSH kerkon te merren masa per kete qellim”
Kontrolli i Lartë i Shtetit ka rezerva sa i takon edhe shifrës së nivelit të borxhit publik për vitin 2019, duke evidentuar se stoku i borxhit paraqitet i nenvlersuar dhe se jane krijuar detyrime te reja te subjekteve nenhuamarrese. Ndërsa vë në dukje se edhe defiçiti fiskal është më i lartë, nga ai që raportohet nga Ministria e Financave.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.