Komisioneri i Zgjerimit në Tiranë, Verhelyi: Shqipëria i ka plotësuar kriteret për hapjen e negociatave
Komisioneri për Zgjerimin Oliver Varholyi ndalesën e vizitës së tij të parë në Shqipëri e ka patur në zyrën e kryministrit Edi Rama. Pas një takimi që zgjati 45 minuta, dy zyrtarët e lartë kanë dalë edhe në një konferencë për mediat, duke u ndalur të pikat kryesore të diskutimit.
Komisioneri i ri i Zgjerimit, ripërsëriti qëndrimin se Shqipëria i ka përmbushur kriteret për të hapur negociatat me BE-në, prandaj po punohet sidomos me vendet skeptike si Franca dhe Hollanda, që negocitat të happen para samitit të Zagrebit. Kryeministri Rama nga ana e tij tha se Shqipëria është gati për të kaluar në fazën e hapjes së negociatave por problemi është brenda Bashkimit Europian.
“Zgjerimi i BE-së me Ballkanin Perëndimor është prioritet. Dëshirojmë që të kemi më shumë ndikim dhe influence në Ballkan. BE-ja do të jete partner i rëndësishëm me rajonin. Do të punoj fort me ju që kjo gjë të bëhet realitet.
Ne vazhdojmë të konsiderojmë Shqipërinë si një shtet që është gati. Ne do të punojmë fortë që kjo të bëhet e tillë përpara samitit të Zagrebit. Komsioni do të ketë në tre drejtime.
E para do të bëhet këtë muaj për metodologjinë e negociatave, Fakti që nuk u hapën negociatat pasi kishte disa shqetësime. Ne po punojmë me miqtë tanë që të gjejmë një zgjidhje që të krijojë një shans të ri. Me këtë metodologji do të krijojmë një qasje me 4 parime bazë. Procesi duhet të jetë më i besueshëm më politik dhe më i parashikueshëm. Është përparësi.
Po përpilojmë një propozim. E dyta është që të kemi mundësinë të fillojmë negociatat këtë vit përpara Samitit të Zagrebit. E treta është Samitit i Zagrebit ku shpresojmë që do të flasim për zhvillimin ekonomik për Ballkanin Perëndimor.
Në mënyrë që këto vende të jenë pranë BE. Të vazhdohen reformat që po kryhen. Me vendosmëri. Do të kërkohen edhe reforma më dinamike” u shpreh Oliver Varhelyi Komisioner i Zgjerimit
Pas takimit në kryeministi Rama dhe komisioneri, shkuan edhe në qytetin e Durrësit ku panë nga afër posojat e tërmetit, për të cilin Bashkimi Europian do të zhvillojë një konferencë donatorësh në 17 shkurt në Bruksel.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.