Komisioni Becheti, PD i drejtohet Kushtetueses – Grida Duma: Rama ka frikë ta hetojë çështjen. Do i shkojmë deri në fund

Partia Demokratike i është drejtuar Gjykatës Kushtetuese për të zgjidhur refuzimin e mazhorancën për ngritjen e Komisionit Parlamentar për çështjen Becheti.

Padia kundër Kuvendit është dorëzuar të hënën në Gjykatë Nga Nënkryetarja e kësaj force Grida Duma dhe Sekretari i Përgjithshëm Gazmend Bardhi.

Grida Duma akuzoi kryeministrin Edi Rama se ka frikë të hetojë këtë çështje, duke e bërë atë përgjegjës për dëmshpërblimin prej 120 mln euro që shteti shqiptar duhet t’i paguaj Becchetti-t, me vendim të gjykatë ndërkombëtare arbitrazhi.

Kuvendi miratoi kërkesën për dy Komisione të tjerë hetimore të kërkuara nga PD, për inceneratorët dhe zgjedhjet e 25 prillit, ndërkohë nuk pranoi ngritjen e një të treti për çështjen Becheti nën justifikimin se rasti është nën hetim nga autoritetet shqiptare.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.