Komisioni Evropian: Të hapen kufijtë për Ballkanin, duke filluar nga 1 korriku
Komisioni Evropian ka rekomanduar hapjen graduale të kufijve të jashtëm të Bashkimit Evropian nga 1 korriku, për shtetasit e huaj, duke marrë parasysh situatën epidemiologjike të vendeve përkatëse.
Komisioni ka propozuar që kufijtë të hapen për ato vende që dëshmojnë se situata e përhapjes së koronavirusit është e menaxhueshme.
Në propozimin e Komisionit Evropian, kufizimet janë kërkuar të hiqen për të gjitha shtetet e Ballkanit Perëndimor: Kosovë, Shqipëri, Maqedoni të Veriut, Mal të Zi, Bosnje-Hercegovinë dhe Serbi. Komisioni e ka arsyetuar këtë kërkesë, me faktin që “situata epidemiologjike e tyre është e ngjashme apo edhe më e mirë sesa në BE”.
Ndër të tjera është kërkuar që pas 1 korrikut të aplikohen masa lehtësuese për studentët edhe punëtorët sezonalë, si dhe prej datës 15 qershor të hiqen të gjitha kontrollet kufitare mes vendeve të bllokut evropian.
D.B – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.