Komiteti Teknik / Nuk ndryshojnë masat kufizuese – Sugjerohet doza e tretë dhe vaksinimi me miratim për moshat mbi 16 vjeç

Komiteti Teknik i Ekspertëve gjatë ditës së sotme ka mbajtur një dalje publike ku ka bërë me dije se situata e Covid-19 në vendin tonë ka një përkeqësim të ulët.

Komiteti u shpreh se procesi i vaksinimit po vazhdon normalisht dhe ju bën thirrje qytetarëve që të vaksinohen ku në fokus janë studentët.

Numri i bashkive të prekura në vend ka shkuar në 48. Raporti meshkuj-femra, mbetet 48-52. Mesatarja ditore e rasteve të shtruara në spital 157. Mesatarja e rasteve të shtruar, rëndë, është 20. Bashkia e Gjirokastrës ka nivelet më të larta të vaksinimit me 71% të popullsisë të vaksinuar, e Tepelenës e Pukës kanë ecur më mirë me vaksinimin.

Referuar situatës aktuale Komiteti i ekspertëve vendosi që niveli i masave shtrënguese do të mbetet i njëjtë. Ajo që kërkon Komiteti Teknik është zbatimi rigoroz i tyre.

Komiteti vendos që personat që janë mbi 60-vjeç dhe kanë bërë dy vaksinat ftohen të bëjnë dozën e tretë, 6 muaj pas aplikimit të dozës së dytë.

Fëmijët nga mosha 16 vjeç e sipër sugjerohen të vaksinohen në miratim të prindërve. Fëmijët nga mosha 12 në 15 vjeç që vuajnë nga probleme shëndetësore, sugjerohen të vaksinohen kundër COVID-19.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.