Komiteti Teknik vendos hapjen e universiteteve për provime dhe konsultime / Hiqet karantina 2 javore me Greqinë dhe Maqedoninë e Veriut

Komiteti Teknik gjatë ditës së sotme ka mbajtur një konferencë ku është folur për situatën epidemiologjike në vend

Ministrja e Shëndetësisë Manastirliu është shprehur se: “Nisur nga situata epidemiologjike në vend ku komiteti teknik ka rivlerësuar masat e marra disa javë më parë, në 2 javët e fundit është vënë re një ulje të infektimeve.

Përsa i përket masave Komiteti Teknik ka vendosur heqjen e karantinës 14 ditore me Maqedoninë e Veriut dhe Greqinë.

Gjithashtu do të lejohet hapja e auditorëve të universiteteve vetëm për konsultimeve dhe provime.

Manastirliu u shpreh se kufizimet orare do të mbeten po njësoj.

Duke folur për procesin e vaksinimit në vend Manastirliu u shpreh se deri tani kanë mbërritur më shumë se 748 mijë vaksina dhe në vend janë vaksinuar 573 mijë qytetarë dhe rreth 100 mijë kanë marrë të dy dozat e vaksinës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.