Kompania e sigurimeve izraelite thuhet se ‘vjedh’ të dhënat e Apple, Google dhe Facebook

Një raport i Financial Times përshkruan dyshime se një kompani kibernetike me bazë në Izrael ka përdorur një pajisje  që mund të marrë të dhënat nga serverët e Apple, Google, Facebook, Amazon dhe produkteve të Microsoft.

Sipas raportit, virusi Pegasus, merr jo vetëm të dhënat e ruajtura në pajisje, por edhe çdo informacion të ruajtur në cloud, duke përfshirë të dhënat e vendndodhjes së një përdoruesi, mesazhet e arkivuara dhe fotot.

Kompania në fjalë NSO u shpreh se gjithçka është keqkuptuar dhe se kjo kompani nuk ofron llojin e aftësive të grumbullimit dhe qasjes në aplikacionet e telefonit dhe në shërbime ose infrastrukturën e re.

NSO thotë se ka një proces shqyrtimi për klientët dhe se informacioni i lëshohet  vetëm qeverive përgjegjëse për lehtësimin e terrorizmit apo hetimeve penale.

Në maj, WhatsApp tha se një gabim në shërbim mund të lejonte që softueri i NSO Group të mblidhte dhe shkarkonte të dhëna nga serverët dhe të mund ti monitoronte ato.

Pritet që kompanitë e prekura të konfirmojnë problemet me sigurinë.

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.