Kompania më e madhe e naftës Rosneft kalon në Euro, Dollari jo më valutë referimi!  Çfarë nënkupton ky hap de-dollarizimi?

Pranohen vetëm euro! Rusia ka përmbushur kështu një tjetër hap të rëndësishëm drejt de-dollarizimit, duke marrë distancë nga bileta jeshile për t’u mbrojtur gjithnjë  më shumë nga sanksionet e imponuara nga Shtetet e Bashkuara të Amerikës, të tanishmet dhe ato të ardhshmet.

Dhe nëse deri tani e ka bërë kryesisht përmes Bankës Qendrore ruse, që në 2018 ka reduktuar rezervat e saj në dollarë duke i konvertuar në yuan, euro ose yen( përveçse në ar) kalimi në valuta të tjera po avancon gradualisht edhe në shkëmbimet tregtare. Madje edhe në tregjet e naftës, tradicionalisht të  pozicionuara fort në përdorimin e dollarit.

Agjencia e lajmeve ‘Reuters’ shkruan se ‘Rosneft’, një prej kompanive më të mëdha të naftës në botë dhe eksportuesja kryesore ruse ka zgjedhur euron si valutë referimi në të gjtihakontrata e saj tyë treja të eksportimit, duke nisur nga shtayorit.

Një zhvillim që i përket naftës bruto dhe derivateve, produkteve kimike, gazit të lëngshëm. ‘Reuters’ i referohet dokumenteve të tenderave përmes të cilave realizohen pjesa më e madhe e eksporteve, të publikuara në faqen e kompanisë ruse.

Në këto dokumente, klientëve u kërkohet që t’i referohen kursit të këmbimit euro/dollar të ditës para pagesës.

Kompania, që kontrollohet nga shteti, mbulon rreth 40 % të naftës që nxirret në Rusi dhe eksporton çdo vit rreth 120 milion tonelata, të barabarta me 2.4 milion fuçi në ditë.

Procesi i de-dollarizimit të ekonomisë po avancon gradualisht sa më shumë që Rusia vihet në shënjestrën e sanksioneve të vendosura nga Thesari amerikan.

Burimi: Ilsole24ore

Përshtati në shqip:SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.