Kompania “Moderna” nis fazën e fundit të testimit klinik të vaksinës së COVID-19 më 27 korrik
Ndërmarrja bioteknike amerikane “Moderna” ka njoftuar se do të hyjë në fazën e fundit të provave klinike për vaksinën e saj kundër Covid-19 më 27 korrik, duke u bërë kompania e parë në botë që arrin këtë fazë.
30 mijë njerëz do të marrin pjesë në këtë fazë, gjysma e të cilëve do të marrin një dozë prej 100 mikrogramë ndërsa pjesa tjetër do të marrë një substancë placebo. Studimi pritet të zgjasë deri më 27 tetor.
Ndërkohë, imunologu i mirënjohur amerikan Anthony Fauci – anëtari më autoritativ i grupit të punës së Shtëpisë së Bardhë kundër Covid-19 – parashikon që një vaksinë për koronavirusin do të jetë e gatshme “brenda vitit të ardhshëm”.(ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.