Kompania rritet me 373% në bursë. Deklaron se ilaçi i saj ul rrezikun e simptomave të ashpra të Covid-19

Aksionet e Synairgen, një firmë e vogël e farmaceutikës të krijuar në një universitet në Britani, u rritën me 373%, pasi kompania bëri të ditur se një ilaç eksperimental ul rrezikun e zhvillimit të simptomave të ashpra të Covid-19. Në një provë klinike me 220 subjekte, probabiliteti që një pacient të kërkojë ventilim apo ndërrojë jetë, ra me 79% tek ata që morën ilaçin SNB001 të firmës, krahasuar me ata që morën placebo.

Ata që morën ilaçin kishin gjithashtu 2 herë më shumë gjasa për t’u rimëkëmbur plotësisht nga sëmundja.  Produkti, që merret me të thither, është një formulim i një proteine që gjehet në natyrë, e njohur si “interferon beta”.  Synairgen u rrit me 373% në 157.5 pensë  (1.575 paund).  Kjo e çon rritjen deri më tani për vitin në rreth 2,581%, duke i dhënë kompanisë një vlerë tregu prej 235 milionë paundë (296 milionë usd).  Analistët thonë se vlerësimi i mundësive të Covid-19 është thuajse i pamundur. Kompania është themeluar nga 3 profesorë të universitetit të Southamtpon, që kanë qenë më parë partner me AstraZeneca në vitin 2014 për të studiuar SNG001 tek rastet e ashpra me astma.

Klevis Llaha / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.