Kompanitë kryesore të kriptove në ‘gjueti’ për blerjen e firmave më të vogla ndërsa tregu ‘rrëzohet’!

Dy kompanitë kryesore të kriptomonedhave, Ripple dhe FTX, thanë se janë në kërkim investimesh pasi industria shpreson të nxisë rritjen përmes blerjes së firmave të tjera. Është një shenjë që disa firma të kriptove mendojnë se janë mjaft të mëdha dhe të kapitalizuara mirë për të shpenzuar paratë për blerje.

Brett Harrison, president i shkëmbimit të kriptomonedhave FTX SHBA, tha se kompania është në “një vend shumë të mirë për sa i përket kapitalit dhe parave tona” dhe “do të shikojë rreth tregut për mundësi të mundshme bashkimi dhe blerjeje”.

Harrison tha se FTX US do të kërkojë kompani që do t’i ndihmojnë ata të marrin më shumë përdorues ose licenca rregullatore. Në vitin 2020, FTX bleu platformën tregtare Blockfolio e cila e ndihmoi atë të merrte më shumë përdorues. FTX është në kërkim të bizneseve fillestare të brokerimit për të blerë për t’u shtyrë më tej në tregtimin e aksioneve.

Vitin e kaluar, FTX US bleu LedgerX, një bursë e të ardhmes që kishte disa licenca nga rregullatorët në SHBA. Ndërkohë, Brad Garlinghouse, CEO i kompanisë së pagesave ndërkufitare Ripple, tha se kompania ka “një bilanc shumë të fortë”, duke parashikuar një rritje të bashkimeve dhe blerjeve në industrinë e kriptove.

Aktiviteti i bashkimeve dhe blerjeve në kripto lulëzoi në vitin 2021 me vlerën globale të transaksioneve të tilla që arriti në më shumë se 55 miliardë dollarë, kundrejt 1.1 miliardë dollarëve në vitin 2020, sipas PWC. Kjo përkoi me një bum në çmimet e kriptomonedhave që e çuan bitcoin në nivelin më të lartë të të gjitha kohërave në nëntor të vitit të kaluar.

Por që atëherë, çmimet kanë rënë. Sipas të dhënave të CoinDesk, Bitcoin ka rreth 55% ulje të nivelit rekord prej 68,990,90 dollarësh. Një rënie në çmimet e kriptomonedhave dhe potencialisht vlerësimet e kompanive në industri, mund t’i bëjnë disa blerje tërheqëse për lojtarët më të mëdhenj. CNBC

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.